بدعوى توفير الدولار.. تزايد مطالب الإعلاميين بإلغاء العمرة هذا العام
طالب الإعلامي سيد علي بتأجيل سفر المصريين لأداء العمرة لعدة أشهر لحين تراجع حدة ازمة العملة الأجنبية التي تعاني منها البلاد.
وقال “سيد علي” إن البلاد تعاني من مشكلة شديدة في تدبير العملة الصعبة، و احنا الدولار بيتم تدبيره في حاجات مهمة جدا في الدولة وسداد ديون مصر.
وأضاف أن الأولوية عند الإدارة في مصر الآن هو إن احنا نسدد الديون وأقساط الديون لأن مصر عمرها ما تخلفت عن ده ومينفعش إنك متسددش الديون بتاعتك؛ الأولوية لتسديد ديون مصر؛ عندنا نصف مليون مواطن يسافرون لاداء العمرة ولو كانت تكلفة كل فرد 2000 دولار في نصف مليون يكون المبلغ كبير.
وتابع أنه في وقت زي ما بيقولوا اللي يحتاجه البيت يحرم على الجامع؛ واحنا داخلين على شعبان ورمضان والمصريين متعودين يروحوا في شعبان ورمضان والغالبية العظمي مصريين وأنا بتكلم بالمنطق ممكن نأجل العمرة سنة أو اتنين ومن الممكن نتأخر سنة أو اتنين عشان نخرج من المطب اللي احنا فيه.
واقتراح الإعلامي سيد علي يأتي بعد أيام من اقتراح مماثل طرحة الإعلامي خيري رمضان وهو الاقتراح الذي تعرض لهجوم كبير على مواقع التواصل الاجتماعي.
واقترح “رمضان” إيقاف العمرة لمدة عام لتوفير العملة الصعبة قائلا “مش هتروح النار لو معملتش عمرة السنة دي”.
كما اقترح أن يكون الحج هذا العام في أضيق الحدود لمن لم يحج، متابعًا: في ناس بتسافر مرة واتنين وتلاتة وفي ناس مش لاقيه تأكل، أنا كدولة أمنع العمرة هذا العام، والحج يكون في أضيق الحدود لمن لم يحج، هي دي قبضة الدولة أن تساعد هذا الشعب على العيش.
