
طالبة تصاب بحالة اكتئاب و تتعرض لنزيف في المخ!
ما القصة؟
الطلاب بالفرقة الخامسة في كلية طب المنوفية، كانوا يتابعون محاضرات “أون لاين” لأحد الأساتذة، الأمر علم به الأستاذ الذي يدّرس لهم نفس المادة في الكلية، وفي يوم امتحان مادة الأنف والأذن تعمد الدكتور وضع الامتحان من خارج المنهج.
الطلبة تفاجئوا بما جرى وحاولوا التكيف مع الموقف، لكن الأستاذ الجامعي حضر إلى قاعة الامتحان، وأخبرهم أن هذا الامتحان معد لطلبة من “kg2″، ساخرا من طلابه الذين يعانون في حل الامتحان.
الطلاب أكدوا أن أستاذهم ضحك عليهم وأضحك الأساتذة الآخرين، قائلا بصوت عالٍ “عشان تبقوا تسمعوا دكتور مسعد كويس”.
مشكلة طلاب طب المنوفية فتحت جرح باقي الطلاب في مصر، وجعلت الشباب يحكون عن ما يحدث معهم، من أساتذتهم في مختلفة جامعات مصر.
حسب أحد طلاب الجامعة، “تعثرت فى سنة من السنين و اضطريت أعيد السنة وبعد ما دخلت على رئيس القسم وشرحتله الوضع قالى المفروض أمثالكم يتفصلوا من الكلية مفيش مكان لواحد فاشل زيك هنا، مقدرتش أرد ودموعى نزلت قدامه فبص ليا و قالى بتعيط زي الحريم كمان اطلع بره يلا، الموقف ده مقدرتش أحكيه لحد غير للطبيب النفسى .. كوابيس اليوم ده بتطاردني دايما، عمرى ما هقدر أنسى التروما اللى حصلتلى”.
طالب آخر قال، “النظام عندنا انك لو شيلت أي موديول أو حتى مادة اختيارية في سنة خامسة فالامتياز بتاعك هيتأجل 6 شهور، يا جدعان بأي منطق اللي بيحصل دا!! ازاي عشان درجة في مادة اختيارية نجاح وسقوط تأجلولي الامتياز 6 شهور، حسبي الله ونعم الوكيل.. مستني بفارغ الصبر اليوم اللي هسيب فيه البلد واسافر يا رب افضل عايش لليوم دا”
2.4 مليون طالب مقيد بالجامعات الحكومية والأزهرية، والجامعة كأي مؤسسة في مصر بها سلبيات وإيجابيات، أكد مراقبون أن أساتذة الجامعة يتحكمون في مصير الطلاب، فهم من يضعو المنهج والامتحان ويرصدو الدرجات، فضلا عن تحكمهم في مصائر الطلاب دون قانون ينظم ذلك.
رصدت العديد من المنظمات المعنية حالات ظلم كبير بين الطلاب، بسبب تعسف مدرسيهم معهم لأسباب منطقية أو غير منطقية.