بعد الموافقة على قرض إماراتي جديد.. نائب بالبرلمان: فلوس البلد فين والإيرادات فين؟

شن النائب المستقل بالبرلمان ضياء داوود هجوما شديدا على المجلس والحكومة بعد الموافقة على قرض جديد من الإماراتبقيمة 2 مليار دولار لصالح وزارة المالية.

وقال “داوودد” في كلمته: ” الأمر تجاوز الحدود لو مش شايفين إننا شغالين لحساب الديانة، أمس كان فيه قرض والنهاردة قرض، وهذا أمر غير مقبول وغير دستوري ويعرض اقتصاد البلد للخطر، وقرارها السياسي، مش معقولة الحكومة كل ما تتزنق تقترض”.

مطالبة بمحاسبة الوزير

وتابع متسائلًا: “الفلوس بتروح فين، والإيرادات فين، وفلوس البلد فين، الوزير لازم يتحاسب”، كما وجه حديثه للوزير قائلا: “هتمشي كدة لغاية امتي، حجم اأقساط الديون هتوصل لفين، شايفين المحيط الاقليمي عامل إزاي، وانتم بكل سهولة بتقترضوا مليار في اثنين، وهتعمل ايه في 6 اشهر، وتسلم الحكومة اللي بعدك ازاي، فالبلد مسؤوليتنا كلنا ولا مغامر ولا مقامر بمستقبل البلد”.

وأضاف: “الأمر تخطي كل الحدود، والقرض لازم يترفض عشان الحكومة ودنها تتقرص، انت مورط نفسك، هتستمر في العملية دي لحد فين، شايفين الدولار، وصل لفين، لما يبقي 60 -70 جنيه هنعمل ايه. لسه بناقش قانون الضمان الاجتماعي، تكافل وكرامة هتعمل ايه، الإسكان الاجتماعي”.

وأكمل حديثه: “الفلوس مبقاش لها قيمة الإسكان الاجتماعي بـ800 الف جنيه، الوضع الاقتصادي ما ينفعش نقترض تحت عنوان سلامة واستقرار البلد والعبور بالسفينة، إننا نغرق ونحن على علم، ولابد أن تقف.

الموافقة على قروض ضخمة في جلسة واحدة

ويشار إلى أن البرلمان قد وافق على قرض بقيمة 1 مليار يورو كمرحلة أولى بين الحكومة والاتحاد الأوروبي، بدعوى تعزيز الاقتصاد ومشروعات الطاقة وإدارة الهجرة والاقتصاد الأخضر ودعم الاحتياطي النقدي.

وخلال الجلسة نفسها، وافق المجلس على الاتفاقية الإطارية بين مصر ومكتب أبوظبي للصادرات ADEX لتمويل توريد القمح إلى الهيئة العامة للسلع التموينية، بمبلغ 500 مليون دولار على مدى 5 سنوات.

قروض الإمارات لمصر

وبحسب تقرير للبنك المركزي الصادر في فبراير 2024، احتلت الإمارات المرتبة الأولى في لائحة الدول العربية الدائنة لمصر، بواقع 22.2 مليار دولار، تمثل 13.5% من إجمالي ديون مصر.